ಪ್ರಿಯರೇ..... ಗದ್ದೆ ಹೊಡೆಯಾಗಿ,ಬತ್ತದ ಹಾಲು ಅಕ್ಕಿಯಾಗುವ ಈ ಸಮಯದಲ್ಲಿ ನಿಸರ್ಗವನ್ನು ನೋಡುವುದೇ ಆನಂದ.ಬತ್ತದ ಗದ್ದೆಯಲ್ಲಿ ಸುಯ್ಯಿಗೊಡುವ ಮೂಡಲ ಗಾಳಿ,ನಿರ್ಮಲ ಆಗಸದಲ್ಲಿ ಅಸ್ತಂಗತನಾಗುತ್ತಿರುವ ನೇಸರ,ಸಣ್ಣಗೆ ಸದ್ದು ಮಾಡುತ್ತಾ ಹರಿವ ತೊರೆ,ಹಸಿರು ಹುಲ್ಲೂ ಕೆಂಪಾಗಿ ತೆನೆಬಿಟ್ಟ ಈ ದಿನಗಳೆಂದ್ರೆ ನನಗಿಷ್ಟ ಜೊತೆಗೆ ಏನೋ ಕಳೆದುಕೊಂಡಂತೆ ಘಾಸಿಯಾಗುವ ಮನಸ್ಸು.ಕಾರಣ ನನಗಂತೂ ಗೊತ್ತಿಲ್ಲ.ಈ ಬಗ್ಗೆ ಯೋಚಿಸಿದರೆ ಹೊಳೆಯುವುದು ನೂರಾರು ಕಾರಣ.ಪ್ರತಿವರ್ಷವೂ ಈ ವೇಳೆಗೆ ಸರಿಯಾಗಿ ನನ್ನ ಮನಸ್ಸಿನಲ್ಲಾಗುವ ಹೋಯ್ದಾಟ ನನಗೇ ಅಚ್ಚರಿಯನ್ನುಂಟು ಮಾಡುತ್ತದೆ!
No comments:
Post a Comment